Plantun de Prouvènço

Pèr coumpara dos planto d'encò nostre

Vaccaria hispanica & Catananche caerulea

Vaccaria hispanica

Caryophyllaceae

Noms en français : Vachère, Saponaire des vaches.

Descripcioun :
Lou cauril-sauvage trachis dins li meissoun e lis ermas. Ié dison qu'es uno arqueoufito que nous vèn d'Anatolìo desempièi de siècle emé li gran de blad. Emé la criblo se vèi de mens en mens aleva en Auto Prouvènço. Se recounèis eisadamen à si flour roso pourtado pèr de long pecou e à si fueio verdalo e en lanço.

Usanço :
Es esta cultiva en mescladisso emé lou blad e la luserno pèr li vaco, que parèis qu'èi bono pèr ié faire veni lou la. Aquesto prouprieta se retrovo encò de la femo e toco tout ço qu'es en raport emé la femenita (enmenagogo, enflamacioun di teté, analgesico). Tout acò èi bessai de vèire emé la formo de la flour (principe di signaturo). Se dis peréu qu'èi vertuouso pèr la circulacioun dóu sang.

Port : Erbo
Taio : 10 à 60 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Vaccaria
Famiho : Caryophyllaceae

Coulour de la flour : Roso
Petalo : 5
Ø (o loungour) flour : 1 à 1,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à juliet

Liò : Meissoun - Champ - Ermas
Estànci : Termoumediterran à Mountagnard
Couroulougi : Subrecousmoupoulito
Ref. sc. : Vaccaria hispanica (Mill.) Rauschert, 1965

Cigaleto

Catananche caerulea

Asteraceae

Àutri noum : Cigaloun, Erbo-de-la-cigalo, Amoureto, Cicòri-de-couelo.

Noms en français : Catananche bleue, Cupidone.

Descripcioun :
La cigaleto trachis en mato dins li tepiero argielouso de coumpagno emé lou bregaloun. Se recounèis eisa emé si gràndi flour coumpausado bluio emé lou couor negre e pourtado pèr de bratèio argentado.

Usanço :
Li flour seco fretado dins li det fan coume lou cant di cigalo ço que i'a douna lou noum.

Port : Grando erbo
Taio : 30 à 100 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Catananche
Famiho : Asteraceae

Tribu : Cichorieae

Coulour de la flour : Bluio
Petalo : >6
Ø (o loungour) flour : 3 à 5 cm
Flourido : Estiéu

Sòu : Ca
Autour basso e auto : 200
Aparado : Noun
Juliet à setèmbre

Liò : Tepiero seco - Argielo - Lavandièro
Estànci : Mesoumediterran à Mountagnard
Couroulougi : Estenoumediterrano-Ouèst
Ref. sc. : Catananche caerulea L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Vaccaria hispanica & Catananche caerulea

ges

Coumpara Cauril-sauvage emé uno autro planto

Coumpara Cigaleto emé uno autro planto